Dünən dünyada Sadhquru adı ilə tanınan məşhur hindistanlı yoqa ustası və mistik Caqqi Vasudev ölkəmizə səfəri çərçivəsində İçərişəhəri ziyarət etmişdir.

10 iyun 2021-ci il tarixində Latviya Respublikası Seyminin Azərbaycan Parlamenti ilə əməkdaşlığın təşviqi qrupunun rəhbəri cənab Roman Naudinşlə və başçılıq etdiyi nümayəndə heyəti “Qala” Dövlət Tarix-Etnoqrafiya Qoruğunda ziyarət etmişlər.

7 iyun 2021-ci il tarixində Kiyev şəhər dövlət administrasiyasının başçısının müavini Marina Xondanın rəhbərlik etdiyi nümayəndə heyəti ölkəmizə rəsmi səfər çərçivəsində İçərişəhəri ziyarət etmişdir.

İyunun 8-də “İçərişəhər” Dövlət Tarix-Memarlıq Qoruğu İdarəsi nəzdində “Qala” Dövlət Tarix-Etnoqrafiya Qoruğunda 5 iyun - Ümumdünya Ətraf Mühit Günü münasibətilə Azərbaycan Respublikası Ekologiya və Təbii Sərvətlər Nazirliyi, Avropa İttifaqı və Birləşmiş Millətlər Təşkilatının İnkişaf Proqramının təşkilatçılığı ilə uşaqlar arasında "Planetimizi sağaldaq" adlı rəsm müsabiqəsi keçirilmişdir.

Hər zaman uşaqların qayğısına qalmaqla seçilən “İçərişəhər” Dövlət Tarix-Memarlıq Qoruğu İdarəsi nəzdində “İçərişəhər” Ənənəvi İncəsənət Mərkəzi 1 İyun – Uşaqların Beynəlxalq Müdafiəsi Günü münasibətilə yaradıcı və əyləncəli tədbir təşkil etmişdir. Mərkəzin direktoru Cəmilə Rzayevanın da iştirakı ilə baş tutan tədbirdə balaca qəhrəmanların iştirakı ilə olduqca maraqlı ustad dərsi keçirildi. Belə ki mərkəzin əməkdaşları tərəfindən uşaqlara təbii çiçək və yarpaqların gil üzərinə applikasiyası texnikası öyrədildi, balaca qonaqlar açıq hava altındakı bu əyləncəli təcrübədən böyük zövq aldı. Təqdim etdiyimiz videoçarxda siz həm bu fərqli ustad dərsini izləyə bilər, həm də “İçərişəhər” Ənənəvi İncəsənət Mərkəzinin “Dastan” brendinə məxsus bənzərsiz əl işlərinə baxa bilərsiniz.