17 dekabr saat 16:00-da "İçərişəhər" Dövlət Tarix-Memarlıq Qoruğu İdarəsinin nəzdindəki Tahir Salahovun ev-muzeyində "Kəlağayı tariximiz və mədəniyyətimizdir" adlı tədbir keçiriləcək.
Tədbirin keçirilməsində məqsəd Azərbaycan mədəniyyətinin mənəvi irsini, estetik dəyərlərini özündə əks etdirən kəlağayının yaranma tarixi, atributları və ornamentləri barədə məlumat verməkdir.
Tədbirdə 2 nömrəli Uşaq-Gənclər İnkişaf Mərkəzinin dərnək üzvləri kəlağayı mövzusunda çəkdikləri rəsmləri nümayiş etdirəcək, maraqlı rəqslər, mahnılar ifa edəcəklər. Tədbirə təşrif buyurmuş qonaqlara həmçinin kiçik səhnəciklər nümayiş olunacaq.
"İçərişəhər" DTMQİ Mətbuat xidmətinin məlumatı