Sosial şəbəkələrdə yayılan, “İçərişəhər” ərazisində qeydə alınan məsuliyyətsiz sürücülük davranışı ilə bağlı görüntülər dərhal “İçərişəhər” Dövlət Tarix-Memarlıq Qoruğu İdarəsinin nəzarətinə götürülmüşdür.

İctimai narahatlıq doğuran bu məsələ ilə bağlı operativ reaksiya göstərilmiş, hadisənin bütün detalları araşdırılmış və qeyd olunan sürücünün İçərişəhər ərazisinə girişinə qadağa qoyulmuşdur.
“İçərişəhər” Dövlət Tarix-Memarlıq Qoruğu İdarəsi olaraq bildirmək istəyirik ki, ərazidə piyadaların, xüsusən də uşaqların təhlükəsizliyi bizim üçün prioritet məsələdir. Qoruq ərazisində təhlükəsizlik qaydalarına əməl etməyən, ictimai qaydanı pozan və mədəni davranış sərgiləməyən heç bir şəxsə güzəşt edilməyəcəkdir.
Vətəndaşlarımızdan xahiş edirik ki, bu cür hallarla rastlaşdıqda aidiyyəti qurumlara və ya rəsmi səhifələrimizə məlumat versinlər.

“İçərişəhər” Dövlət Tarix-Memarlıq Qoruğu İdarəsi
29 aprel 2025-ci il

Xəbərlər Qalereyası
Paylaş:

BİZİM TÖVSİYƏLƏRİMİZ

Xəbərlər

XƏBƏRLƏR ARXİVİ