“İçərişəhər” Dövlət Tarix-Memarlıq Qoruğu İdarəsi Böyük Qala 3 və 5 ünvanında yerləşən yaşayış evlərinin qəzalı vəziyyətdə olmasını nəzərə alaraq sakinlərin rahatlığı və təhlükəsizliyi üçün onları bu məntəqədən müvəqqəti olaraq köçürmüşdür. Hal-hazırda sözügedən binalar təmir olunur, sakinlər isə müvəqqəti yaşayış yeri ilə təmin olunmuşdur. Onların kirayə haqqı dövlət tərəfindən ödənilir və yaşayış binalarının təmir işləri başa çatdıqdan sonra onlar yenidən öz evlərinə qayıdacaqlar. Qeyd edək ki, Böyük Qala 3 ünvanında yerləşən 1885-ci ilə aid və Böyük Qala 5 ünvanında yerləşən 1890-cı ilə aid yaşayış binaları İçəri Şəhər ərazisindəki bütün abidələr kimi Qoruq İdarəsinin diqqətindədir və tezliklə sakinlərin istifadəsinə veriləcəkdir.
VİRTUAL İÇƏRİŞƏHƏR
#icherisheher360
İçəri şəhərin gəzməli və görməli yerlərin 3D görüntüsü.
