UNESCO Baş direktorunun müavini Asa Reqner İçərişəhərə səfər edib.

29.10.2026

İçərişəhər Dövlət Tarix-Memarlıq Qoruğu İdarəsinin İdarə Heyətinin sədri Rüfət Mahmud qonağa tarixi şəhər mühitinin qorunması və müasir idarəetmə prinsiplərinin tətbiqini nəzərdə tutan “AğıllıQoruq” konsepsiyası, bu çərçivədə həyata keçirilən layihələr və yaradılan yeni muzeylər barədə məlumat verib.

Səfər zamanı Şirvanşahlar Sarayı Kompleksi, BukharArt Sənətkarlıq Bazarı, Multani Karavansarası, habelə İçərişəhər İcma Mərkəzi və Xidmət Mərkəzi ilə tanışlıq olub. Qonağa bu mərkəzlərin sakinlərlə Şəhərİdarəçiliyi arasında əlaqələrin möhkəmləndirilməsi, yerli ehtiyacların nəzərə alınması və ictimai iştirakın genişləndirilməsi baxımından əhəmiyyəti barədə məlumat verilib. Mədəni irsin qorunması, yaradıcı təşəbbüslərin dəstəklənməsi və ənənəvi biliklərin ötürülməsində icmanın rolu diqqətə çatdırılıb.

Qeyd edək ki, İçərişəhər 2000-ci ildən UNESCO-nun Ümumdünya İrs Siyahısına daxildir.