Xəbərlər

“İçəriSÖZ” layihəsi çərçivəsində baş tutan növbəti görüş ədəbi düşüncənin müasir istiqamətləri ətrafında formalaşdı.

Bu dəfə qonağımız #yazıçı və Bakı Kitab Mərkəzinin direktoru Günel Anarqızı idi. Müəllif “Sərhədsiz səma” və “Yox, yəni hə” əsərlərindən seçilmiş parçalar əsasında obrazların daxili dinamizmi, tərəddüd psixologiyası və müəllif mövqeyinin formalaşması barədə fikirlərini “ClubEnso” kitab klubunun üzvləri və görüşdə iştirak edən digər kitabsevərlərlə müzakirə etdi.

“İçəri SÖZ” layihəsi İçərişəhər’in tarixi mühitində ədəbiyyat, yaradıcılıq və mədəni dialoqu bir araya gətirərək müxtəlif istiqamətlər üçün açıq platforma rolunu oynayır.