17 oktyabr saat 15:00 da “İçərişəhər” Dövlət Tarix-Memarlıq Qoruğu İdarəsinin “İstedArt” layihəsinin yeni mövsümünə start verilir.
Heydər Əliyev Fondunun təşəbbüsü ilə təşkil olunan layihənin növbəti açılış mərasimi Maqsud İbrahimbəyov Yaradıcılıq Mərkəzində baş tutacaq.
Layihədə müxtəlif internat məktəbləri, sağlamlıq imkanlari məhdud və daun sindromundan əziyyət çəkən uşaqlar iştirak edəcəklər.
Uşaqlar “Içərişəhər” DTMQİ hesabına rəssamlıq, heykəltəraşlıq, keramika və qrafika sənəti üzrə 9 ay ərzində dərs alacaqlar. Bu kimi layihənin təşkilində məqsəd nəsildən-nəslə ötürülən sənət növlərinin qorunub saxlanması ilə yanaşı əqli zəifliyi olan uşaqları incəsənət növlərimiz ilə tanış etmək, onları ruhlandırmaq, gələcək həyat yolunda peşə seçimində yardımdan ibarətdir.
Açılış mərasimi KİV nümayəndələri üçün açıqdır!
VİRTUAL İÇƏRİŞƏHƏR
#icherisheher360
İçəri şəhərin gəzməli və görməli yerlərin 3D görüntüsü.
